Ingkang kawitan anyarihosaken lampahipun kanjeng Pangeran Walangsungsang sahingga dumugi ing carihosipun ingkang sinuhun kanjeng Suhunan Cirebon utawi kang binuka catur-anyaturaken. Sanunggaling praja ing Pejajaran Ratu Agung ing tanah Pasundan. Kang nama Sri Prabu Siliwangi. Ari ingkang gawa Ambel Kasih, Aci Badaya, kawin Kanjeng Ratu Subang Larang Prameswari, selir domas kang miyos putra kawan dasa.
Sang Prabu ngandika : he putra ningwang Walangsungsang sun lingali kojem semune prihatin lan sami sajajare palinggih apa kang dadi sokalwa nira. Mapan sira gadang Prabu Anom Amangku Nagara atawa putri kang sira karepi. Matur mendi kang sira sadya. Aja sira kanggo priyatin pribawa semuning kadalon.ingkang putra nembah matur. Garwi tumungkuling jangga kumembeng waspa nira.
Duh gusti bendu dalem kang kasuhun reh kala wengi sukra ambawa nyupena pinggih tiyang jaler sajuga kang langkung pekik amejang agama islam sarengat Jeng Nabi Muhammad kang dadi utusaning yang widi amung langkung cuwa ing manah dereng rampung amba anglilir ing samangke kalangkung brangta ing agama islam kengetan tanana marganing guru.
Sang Prabu ngandika sarwi mesem : Walangsungsang sira wong anom poma aja katulen sira kenang paneluhan, kenang pamemayan. Muhammad kang ngaku panutan kang dadi dutaning Widi yaktine dora ngacapara, reh kang stuhune panutan Yuwang Brahma, Yuwang Wisnu, Yuwang Jagat Nata pangerane wong satri loka kang dingin dalah saiki para leluhur karsa ngowahi.
Walangsungsang nembah matur : Duh Gusti nuhun pangaksama dalem sapu denda kang kasanggih reh amba langkung condong sarengate Jeng Nabi Muhammad lan saluhure Pangeran kang sinembah anging Allah kang lan sakutu papadane anyar. Sang Prabu garjita reh kang putra lan mituhu nyelempang agamane. Binendon ingkang putra lan kenging manggen ing Negara. Walangsungsang nedya sukaning galih sigra pamit kengser saking ayunan, medal sampun ing Jawi. Luntah lampahira manjing alas-metu alas, munggah gunung-turun gunung terus mangetan.
Komentar
Posting Komentar
Kami Akan Terus Mengembangkan Konten dalam Blog Ini